Yr haf yma penderfynodd Menter Bro Ogwr i gynnal cynllun chwarae wythnos ym mhob ysgol gynradd Cymraeg ein Sir.
Roedd y cynlluniau yn boblogaidd iawn gyda mwy o blant yn mynychu eleni nag oedd blwyddyn ddiwethaf.

Roedd plant o bob ysgol wedi eu mynychu sydd yn llwyddiant mawr i ni.
Roedd pob math o bethau i’w wneud o gelf a chrefft i chwaraeon a phaentio wynebau a llawer mwy.

Mwynhaodd y plant i gyd ac maent yn edrych ymlaen at yr un nesaf. Hoffwn ddiolch i'r pedwar Ysgol am eu cymorth trwy adael i ni ddefnyddio eu hysgolion, a hefyd i'r plant am eu hymddygiad da. Ysbryd cymunedol dda!

Diolch.

K.C.

Dewch i ddathlu Diwrnod y Llyfr gyda Siop yr Hen Bont!

Sesiwn adrodd stori ar gyfer plant bach ar Ddydd Iau, 3ydd o Fawrth am 10yb.

Gwobr o docyn llyfr gwerth £20 ar gael! Er mwyn cael cyfle i ennill y wobr, cwblhewch holiadur yn y siop!

Ar ddydd Sadwrn 11eg o Ragfyr fe wnaeth Menter Bro Ogwr cynnal bore dathlu Nadolig i deuluoedd yng Nghanolfan Hamdden Pen-y-bont.
Pwrpas y digwyddiad oedd dod â theuluoedd y Sir at ei gilydd i ddefnyddio’r iaith Gymraeg, gwneud ffrindiau newydd, gweld pa wasanaethau a chyfleoedd sydd ar gael iddyn nhw o fewn y Sir ac i fwynhau gweithgareddau Nadoligaidd.

Daeth 35 o deuluoedd ar y dydd. Cafodd y plant y cyfle i neidio ar y castell neidio ac addurno bisgedi ac roedd stondinau gwybodaeth a stondinau gwerthu anrhegion Nadolig ar gael i'r rhieni yn ogystal â the a choffi.

Daeth rhywun pwysig iawn i weld y plant hefyd. Diolch i ti Siôn Corn, roedd pawb yn hapus i dy weld di.

Hoffwn i ddiolch i Twf a MYM am helpu ar y diwrnod, ac am ddarparu stondin a gweithgareddau i bawb wneud ac am helpu gyda phaentio wynebau. A diolch i bawb a wnaeth fynychu a chefnogi’r digwyddiad. Edrychaf ymlaen at ddathliad 2011.

Diolch
Kath

Aeth y Cynllun Chwarae yn Ysgol Gynradd Gymraeg Bro Ogwr yn dda iawn eleni Roedd y cynllun ar gyfer plant 8 -13 mlwydd oed. Roedd digon i’w wneud yn y cynllun e.e. celf a chrefft, chwaraeon, a’r Wii a oedd yn boblogaidd iawn gyda’r plant a’r staff!!

Aethon ni ar ddwy daith, un i bwll Nofio yn Trecco a’r llall i’r Laserquest yn Abertawe. Roedd y plant wrth eu bodd yn gallu nofio a chael cyfle i redeg ar ôl aelodau staff yn y Laserquest!

Ar y diwrnod olaf cafwyd parti gyda’r Fenter gyda sglodion a diodydd i’r plant ac yna gemau parti yn y prynhawn.
Hoffwn ddiolch i'r staff, Rhys a Sara am ei help trwy gydol y cynllun a gobeithiwn weld y plant a’r staff yn ogystal ag wynebau newydd blwyddyn nesaf.
KC

Dewch i wneud celf a chrefft a chael hwyl wrth gwrdd â phlant a phobl o grwpiau Ti a Fi, Cylch Meithrin ac ysgolion eraill. Ar ôl i bawb cwrdd, byddwn yn mynd am dro i’r traeth i hedfan ein barcud!

Mae Clwb Bananas yn glwb ar ôl ysgol yn Ysgol Gynradd Gymraeg Bro Ogwr ac rydym yn ein 4ydd blwyddyn nawr. Mae’r clwb yn boblogaidd iawn gyda phlant wrth eu boddau yn mwynhau gweithgareddau a chwarae trwy gyfrwng yr iaith Gymraeg. Mae 30 o blant wedi cofrestru gyda’r clwb eleni ac yn edrych ymlaen at fynychu’r clwb yn wythnosol. Mae’r Fenter yn gobeithio cofrestru gyda CSSIW blwyddyn yma .

Mae SJ a Rhys, ein haelodau staff rhan-amser, yn parhau i weithio yn y clwb eleni, ac edrych ar ôl y plant wrth greu awyrgylch hapus a chreadigol, ac yn creu gweithgareddau i'r plant gwneud a chwarae yn ystod y sesiwn. Gobeithio bydd y flwyddyn yma mor llwyddiannus â blynyddoedd blaenorol.

Hoffwn ddiolch i'r teuluoedd sydd wedi ac sydd dâl yn defnyddio ein gwasanaeth am eu cefnogaeth ac rydym yn edrych ymlaen at gwrdd â mwy o deuluoedd yn y dyfodol agos.

Mae’r clwb ar agor yn ystod tymhorau ysgol pob prynhawn dydd Llun hyd at brynhawn dydd Gwener, 3.30 tan 5.30yh. Cysylltwch â Kathryn Campbell yn swyddfa’r Fenter am ragor o fanylion ar 01656 732200 neu e-bostio Kathryn@menterbroogwr.org.

KC

Trefnodd Kathryn Campbell, Swyddog Gwasanaethau Plant a Theuluoedd Menter Bro Ogwr a Kate Parry, Swyddog Datblygu Mudiad Ysgolion Meithrin, daith gyda Dewin i ymweld â phlant ac arweinyddion pob Cylch Meithrin Cymraeg y Sir.

Cafodd y plant gyfle i gwrdd â Dewin, canu caneuon, dawnsio a chael hwyl gyda fe trwy gyfrwng yr iaith Gymraeg.

Roedd y swyddogion yn teimlo’n gyffrous am y daith ac yn edrych ymlaen at gwrdd â phlant ac oedolion y Sir er mwyn derbyn syniadau newydd er mwyn gwella darpariaethau Cymraeg yn y gymuned. Aeth y daith yn dda iawn, gyda’r plant a’r arweinyddion i gyd yn mwynhau ac roeddent yn awyddus i glywed am brosiectau arall oedd yn mynd i gael eu cynnig iddyn nhw yn y dyfodol.

Hoffwn ddiolch Dewin am ddod i weld plant Sir Pen y Bont ar Ogwr.