Mae Menter Bro Ogwr a Chymraeg i Oedolion yn gobeithio trefnu’r sesiynau wnaethoch chi ddangos diddordeb mewn mynychu i ail fywiogi eich Cymraeg. Bydd y sesiynau a gofal plant am ddim, gydag aelodau staff sydd â phrofiad o warchod plant ac sydd wedi cael gwiriad CRB.

Bydd y sesiynau yn cael eu cynnal yn Neuadd Goffa Bryncethin, o ddydd Mawrth 14eg I’r dydd Gwener 17eg o Chwefror .

Dewch i Ail fywiogi eich Iaith, dewch i gwrdd â phobl eraill sydd yn yr un cwch â chi ac sydd eisiau ail ddysgu mewn ffordd gyffrous.

Am ragor o wybodaeth cysylltwch á Kath.
kathryn@menterbroogwr.org
01656 732 200

Cafodd ffenestri Nadolig mwyaf deniadol Pen-y-bont gydnabyddiaeth gan Faer y Dref. Gwobrwywyd chwe ennillydd yn y gystadleuaeth ffenestr siop gorau am y ffenestri mwyaf creadigol a llawen.

Aeth Elinor Hughes, Amanda Evans a Marged Thomas, ar ran Siop yr Hen Bont a Menter Bro Ogwr, i gyfarfod cyngor y dref mis Rhagfyr i dderbyn y wobr a siec am £40. Llongyfarchiadau mawr i Siop yr Hen Bont a’r ennillwyr eraill!

MET

Penybont
Swyddog Maes
Lleoliad: Bydd disgwyl i'r sawl a benodir gweithio o adre a bydd cyfleusterau swyddfa ar gael yn swyddfa Mudiad Meithrin yn Llanelli.
Hyd y cytundeb: 1 Tachwed 2011 hyd at 31 Mawrth 2012
Oriau Gwaith: 15 awr yr wythnos yn ystod tymor ysgol yn unig
Cyflog: £7.20 yr awr
Costau Teithio: Telir £195 lwfans car yn flynyddol a 29c y filltir
Am fwy o wybodaeth neu sgwrs anffurfiol, cysylltwch â
Jayne Thomas, Swyddog Datblygu Caerfyrddin
ar 07792 946904
Dyddiad Cau: 4.11.11

Roeddwn i eisiau dysgu i ganu'r delyn ers blynyddoedd ond doeddwn i ddim yn siwr a fyddwn i'n mwynhau mynd i wersi. Wedyn gwelais i hysbyseb Menter Bro Ogwr - saith gwers am ddeng punt - bargen! Mae'n rhaid i fi gyfaddef fy mod braidd yn nerfus cyn y wers gyntaf ond roedd y tiwtor, Elin y Delyn, yn garedig ac yn amyneddgar iawn. Roedd cymysgedd o bobl yno - pobl yn eu tri degau hyd at berson yn ei naw degau, dysgwyr o lefel Sylfaen i Hyfedredd a siaradwyr iaith gyntaf . Roedd pawb yn fodlon cefnogi ei gilydd, yn ieithyddol ac yn gerddorol. Gofynnodd Elin a allai unrhyw un ganu offeryn arall. Wel, dechreuais i ddysgu i ganu'r ffidl pan oeddwn i'n naw oed ond rhoddais i gorau iddi am naw a chwarter oed ac er fy mod yn dipyn o arbenigwraig ar y recorder yn yr ysgol, doeddwn i ddim yn siŵr a fyddai hynny'n cyfrif! Suddodd fy nghalon wrth glywed y gallai pawb arall ganu'r piano a dechreuais i feddwl am fy ngwersi violin - canu scales ac ymarferion eraill. Ond er syndod mawr i fi, gallai'r dosbarth (a finnau hefyd) ganu dwy gân erbyn diwedd y wers gyntaf - 'Lavenders Blue' a 'Deryn Du'. Aeth y dosbarth o nerth i nerth ac erbyn y chweched wers, roedd mwy na chwe ch'n yn ein repertoire. Treulion ni'r wers olaf yn recordio ein CD cyntaf. Dw i'n dweud 'CD cyntaf' gan fod pawb eisiau dal ati, ond beth bynnag dyn ni i gyd yn penderfynu gwneud yn y dyfodol, cawson ni saith wythnos o hwyl diolch i Elin ac i Fenter Bro Ogwr.

Gan Debbie Seamark

www.elinlloyd.com

Cwrs 8 wythnos yn cychwyn 26ain o Ionawr 2012

Pob Nos Iau, 7:30yp, Clwb Ceidwadol Abercynffig

Cost: £28 am 8 wythnos

Dewch i gadw’n heini trwy gyfrwng y Gymraeg mewn dull unigryw! Dewch i ddawnsio i rythmau cerddorol De America, symudwch eich corff wrth ddawnsio Salsa, meringue, cumbia, reggeaton, mambo, cha-cha, hip hop a hyd yn oed dawnsio bol. Bydd cyfuniad o symudiadau cyflym ac araf a gwrthbwysau’n helpu siapio a cherflunio eich corff, wrth iddo losgi braster. Dewch yn llu! Am ragor o wybodaeth cysylltwch â Marged.

marged@menterbroogwr.org

01656 732 200

Arddangosiad coginio gan gogydd teledu S4C
Stondinau a gweithgareddau
Chwarae meddal

Canolfan Chwaraeon Pen-y-bont
Dydd Mercher 9fed o Dachwedd
12.30

Mynediad am ddim gyda thocyn - gofynnwch yn y cylch
neu ffoniwch 07966 321764

Dewch i glywed am hanes a datblygiadau Menter Bro Ogwr yn ystod 2010 a 2011!

Nos Fawrth 1af o Dachwedd 2011
Clwb Rygbi Pen-y-bont 7:00yh - 9:00yh

Bydd lluniaeth ysgafn ar gael.

Agored i bawb.

CYNGHORYDD GWASANAETHAU CWSMERIAID (CROESAWYDD)

Dyddiad Cychwyn : Cyn gynted â phosibl

Cyflog : £15,898 - £16,686


CYNGHORYDD GWASANAETHAU CWSMERIAID (CROESAWYDD) CYF: BC/555 GRADDFA GYFLOG 2 PWYNTIAU 14-16: £15,898 - £16,686

I ddarparu gwasanaethau blaen ty i holl gwsmeriaid Coleg Penybont, yn cynnwys ymwelwyr allanol, ynghyd â delio gydag ymholiadau am yr ystod lawn o wasanaethau a ddarperir gan y Coleg. Gydag o leiaf 4 TGAU gradd A-C (neu gyfwerth) yn cynnwys Mathemateg a Saesneg, bydd gennych sgiliau cyfathrebu, gwasanaeth cwsmer a gweinyddol ardderchog. Byddwch yn siarad Cymraeg gyda gwybodaeth ardderchog o raglenni Microsoft Office.

Am ragor o fanylion ewch i http://www.fejobs.com/Jobs.aspx?EmpNo=278 18