Cwrs 8 wythnos yn cychwyn 26ain o Ionawr 2012

Pob Nos Iau, 7:30yp, Clwb Ceidwadol Abercynffig

Cost: £28 am 8 wythnos

Dewch i gadw’n heini trwy gyfrwng y Gymraeg mewn dull unigryw! Dewch i ddawnsio i rythmau cerddorol De America, symudwch eich corff wrth ddawnsio Salsa, meringue, cumbia, reggeaton, mambo, cha-cha, hip hop a hyd yn oed dawnsio bol. Bydd cyfuniad o symudiadau cyflym ac araf a gwrthbwysau’n helpu siapio a cherflunio eich corff, wrth iddo losgi braster. Dewch yn llu! Am ragor o wybodaeth cysylltwch â Marged.

marged@menterbroogwr.org

01656 732 200

Roedd Alexander Cordell yn hoff o ysgrifennu erioed. Dechreuodd ar ei yrfa drwy anfon storïau i gystadlaethau. Gyrrodd rannau o 'Rape of the Fair Country' i gystadleuaeth y 'South Wales Argus' ym 1957. Erbyn hyn mae
miliynau o bobl dros y byd wedi darllen y llyfr.

Mae Cystadleuaeth Lenyddol Alexander Cordell yn saith oed -ond bydd hi'n wahanol eleni! Eich tasg eleni fydd creu mini saga - stori gyfan mewn 50 oeiriau! Efallai bod stori fyddai'n denu'r miloedd yn chwilen yn eich pen ers
sbel. Dyma'ch cyfle i gyflwyno'ch stori i ddarllenwyr!

Dyddiad Cau: 30 Medi 2010

Am fwy o wybodaeth ewch i http://cordellcountry.org/en/competition /how-to-enter

I ddathlu 60 mlynedd o Addysg Gymraeg yng Nghwm Llynfi, cynhelir aduniad i gyn-ddisgyblion, athrawon, staff a rhieni'r Ysgol Gymraeg Maesteg dros yr holl flynyddoedd.
Cynhelir yr aduniad ar y nos Wener, 26ain o fis Mawrth, 2010 am 8 o’r gloch yng Nghlwb Golff Maesteg.
Bydd buffet, ambell siaradwr a dawns (Twmpath).
Cost y tocynnau yw £15.

Amhosib fyddai cysylltu â phawb a fu yn gysylltiedig â’r ysgol dros yr holl flynyddoedd felly gofynnwn yn garedig i chi copïo’r llythyr hon a’i danfon ymlaen at eraill fyddai â diddordeb yn y dathlu.

Cyfyngir y nifer i 200 o bobl, felly'r cyntaf i’r felin am docynnau.

I archebu tocynnau, cysyllter â:

Non Batten (James cynt) 07944790496
Phillip Brace 07974815317
Carolyn Davidson (Hood cynt) 07828054199
Brian Roderick 07802762685.

Edrychwn ymlaen at eich gweld yno!

Cwis Tafarn Cymraeg

Ffansio'ch hun fel Mastermind sir Pen-y-bont, neu jyst yn edrych am gyfle i gael hwyl trwy gyfrwng y Gymraeg, dewch i ymuno â ni!

Six Bells, Coety

7:30yh

Mae Mudiad Ysgolion Meithrin yn edrych am bobl frwdfrydig sydd â diddordeb gwirfoddoli yng Nghylchoedd Ti a Fi Sir Pen-y-bont ar Ogwr. Ydych chi’n rhiant sydd newydd gael babi ac eisiau defnyddio eich Cymraeg a mynychu cylch Ti a Fi i gymdeithasu a mamau eraill? Ydych chi’n berson sydd á diddordeb gweithio á phlant? Ydych chi’n berson sydd yn chwilio am gyfleoedd profiad gwaith? Wel dyma gyfle i chi.

Nod y cylch Ti a Fi yw cynnig cyfle i rieni/gwarchodwyr fwynhau chwarae gyda'u plant a chymdeithasu mewn awyrgylch Gymreig.

Mae'r cylch Ti a Fi yn cynnig gweithgareddau sy'n helpu datblygiad plant o enedigaeth hyd at oed ysgol. Mae’n gyfle i rieni/gwarchodwyr gwrdd mewn awyrgylch anffurfiol, i rannu profiadau a chymdeithasu dros baned.

Mae mynd i'r cylch Ti a Fi yn rhoi cyfle i'r plant:

* fwynhau chwarae gyda phob math o deganau
* ganu a gwrando ar storiâu
* chwarae gyda thywod a chlai
* ... a gwneud ffrindiau!

Mae mynd i’r cylch Ti a Fi yn gyfle gwych i ddefnyddio'r iaith Gymraeg, os yn ddysgwr neu siaradwr Cymraeg rhugl. Mae gweithgareddau'r cylch yn atgyfnerthu’r Gymraeg yn y cartref ac yn rhoi cyfle i deuluoedd di-Gymraeg ddefnyddio’r iaith am y tro cyntaf efo’u plant.

Os oes gennych chi ddiddordeb i helpu sefydlu neu fynychu Cylch ti a fi cysylltwch â Kate Parry, Swyddog Datblygu MYM ar 07800 540221 neu trwy e-bost - kate.parry@mym.co.uk.

AJE

Dim cymwysterau?
Eisiau gweithio gyda phlant ifanc?

Mae hyfforddiant ar gael am ddim gan Mudiad Ysgolion Meithrin. Bydd yn dechrau o fis Medi 2010 hyd Awst 2011 -
yn ystod tymor ysgol yn unig.

Hyfforddiant rhan-amser i siaradwyr Cymraeg a dysgwyr da mewn lleoliadau blynyddoedd cynnar yn eich ardal chi e.e.
cylchoedd meithrin neu feithrinfeydd dydd. Cyfle i ennill cymhwyster CGC Lefel 2 mewn Gofal, Dysgu a Datblygiad
Plentyn.

Am becyn gwybodaeth ffoniwch: 01970 639 601

neu e-bostiwch: post@camwrthgam.co.uk

neu ewch i: www.mym.co.uk

Dyddiad cau: 28 Mai, 2010
Mudiad Ysgolion Meithrin – yr arbenigwyr blynyddoedd cynnar Cymraeg